മഴ കുറയുന്നു; നാല് ജില്ലകളിൽ യെല്ലോ അലർട്ട്

ബുധൻ, ഏപ്രി. 16 2025

/

Home

News

Latest News

July 20, 2024
10:45:21

News

തിരുവനന്തപുരം: സംസ്ഥാനത്ത് മഴയുടെ ശക്തി കുറയുകയാണ്. അടുത്ത അഞ്ചു ദിവസത്തേക്കുള്ള കേന്ദ്ര കാലാവസ്ഥാ വകുപ്പിന്‍റെ മഴ സാധ്യതാ പ്രവചനത്തിൽ മുന്നറിയിപ്പുള്ളത് മൂന്നു ദിവസം മാത്രമാണ്. യെല്ലോ അലർട്ടാണ് മൂന്നു ദിവസവും പ്രഖ്യാപിച്ചിരിക്കുന്നത്. ഇന്ന് യെല്ലോ അലർട്ടുള്ളത് കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ്. ഞായറാഴ്ച, ബുധനാഴ്ച എന്നീ ദിവസങ്ങളിൽ കണ്ണൂർ, കാസർഗോഡ് ജില്ലകളിലും യെല്ലോ അലർട്ടാണ്. പ്രവചിക്കപ്പെട്ടിരിക്കുന്നത് ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ്. 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ 24 മണിക്കൂറിൽ ലഭിക്കാൻ സാധ്യതയുണ്ട്. അടുത്ത മൂന്നു മണിക്കൂറിൽ എറണാകുളം, ഇടുക്കി, മലപ്പുറം, വയനാട് ജില്ലകളിൽ ഒറ്റപ്പെട്ട പ്രദേശങ്ങളിൽ ഇടിമിന്നലോട് കൂടിയ മിതമായ മഴയ്ക്ക് സാധ്യതയുണ്ട്. അതോടൊപ്പം, മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന കാറ്റിനും സാധ്യതയുണ്ട്.